Un libro, un agasallo

Uns calcetíns, unhas zapatillas, unha colonia, unha subscrición a Netflix para ver a serie de Roald Dahl, algo para facer deporte,  un videoxogo, unha bicicleta, roupa nova, algún xoguete…

Que regalo será o mellor? E se regalamos un libro? Un libro, non calquera, un que elixamos con moito coidado para esa persoa especial. E se ademais dedicamos o libro cunhas palabras que nos saian de dentro? E se o empaquetamos de forma orixinal?

Bótalles un ollo a algunhas ideas para envolver regalos pola rede e busca entre estas recomendacións de libros que che deixamos a continuación. Lembra que ler é un regalo.