Que pasou con…?

O selo de Oqueleo ten un fondo editorial envexable que podemos explorar para traballar as diferentes linguas peninsulares nas aulas e podemos facelo a través de personaxes que foron protagonistas de moitas infancias e xuventudes.

Que será de Sapo e Sepo, Bastian, o pequeno Nicolás, Ponyboy, a familia Gaskitt? Sabes que aínda podes rescatar as aventuras da nena do coelliño rosa, o pequeno vampiro, Momo, a bibliotecaria? Botas en falta personaxes como Konrad, Matilda ou Babar? Pois hai máis e excelentes protagonistas que incharon e melloraron máis aínda o catálogo. Explórao e dinos cales incorporastes aos preferidos. Pero shhhhhh, non llelo contes aos clásicos, non sexa que se ofendan.