Consellos para salvar o universo (para xente con preguiza)

O planeta está en perigo e todos podemos ser heroes nesta misión. Non hai que sacar un 10 en Física para salvar o universo, unicamente facerlle fronte ao cambio climático e colaborar coas nosas pequenas accións diarias. Todos somos Ecolectores e xuntos podemos botar a semente do cambio. Paréceche? Aquí van algunhas ideas para xente preguiceira.

1.       Pide os teus extractos por correo electrónico. O envío de información bancaria por correo non só supón un consumo de papel senón que pon en marcha unha cadea de transporte que contamina.
2.       Non enxaugues, para que o fas? Se usas lavalouza non gastes auga innecesaria repasando antes os pratos antes de poñelo en marcha.
3.       Tarda pouco na ducha. Canto menos tempo de pé na ducha, máis tempo dispoñible para procrastinar ;).
4.       Seca ao aire. Xa sexa o pelo ou a roupa, planifica cando lavalo e deixa que sequen ao sol. É a fonte de enerxía máis sostible e económica.
5.       Merca local, con cabeza e sempre coa túa bolsa de tea. Planifica a compra, así levarás exactamente o que precisas sen esquecer a bolsa. Lembra que canto máis preto da casa merques, menos terás que cargar.

Con estes pequenos consellos seguro que non só che axudamos a salvar un pouquiño o planeta, senón que agora terás tempo extra para seguir investigando e concienciándote para seguir no camino do coidado da terra.