A música das palabras

Cando lemos, á nosa mente médranlle ás.
Cando escribimos, os nosos dedos cantan.

As palabras son golpes de tambor e frautas na páxina,
paxaros cantores e elefantes trompeteiros,
ríos que flúen, fervenzas que caen,
bolboretas que viran
alto no ceo!

As palabras convídannos a bailar
ritmos, rimas, latexos do corazón,
ruído de cascos e bater de ás,
fábulas antigas e novas,
ficticias e reais.

Esteas cómodo na casa
ou atravesando veloz as fronteiras cara a unha nova terra
e unha lingua estraña, os contos e poemas
perténcenche.

Cando compartimos palabras, as nosas voces
vólvense música do futuro,
paz, alegría e amizade,
unha melodía
de esperanza.

Margarita Engle